Joska la rossa

El muro bianco, drìo de la to casa,
ti te saltavi come 'n oseleto,
Joska la rossa, pèle de bombasa,
tute le sere prima de 'na in lèto.
Te stavi lì, co le to scarpe rote,
te ne vardavi drìo da j'oci mori
e te balavi alegra tuta note
e i baldi Alpini te cantava i cori... oh!
Joska, Joska, Joska
salta la mura finché la dura... oh!
Joska, Joska, Joska
salta la mura, bala con mi... oh!
Ti te portavi el sole ogni matìna
e de j'Alpini te gerì la morosa,
sorela, mama, boca canterina,
oci del sol, meravigliosa rosa.
Xe tanto e tanto nu ca te zerchemo,
Joska la rossa, amor, rosa spanìa:
ma dove si to andà, ma dove andemo?
Semo ramenghi, o morti e cosi sia., oh!
Joska, Joska, Joska... ecc.
Busa con crose... sarà sta i putei?
La par 'na bara e invece xe 'na cuna
e dentro dorme tuti i to fradei...
fermi, impala, co j'oci ne la luna.
Joska, Joska, Joska
salta la mura finché la dura... oh!
Joska, Joska, Joska
salta la mura fermate là... oh!
Joska, Joska, Joska
salta la mura finché la dura... oh!
Joska, Joska, Joska ,
salta la mura fermate là!